Thursday, June 3, 2010


ព័ត៌មានទាន់ហេតុការណ៍


អាភីស៊ីតសម្រេចដករដ្ឋមន្ត្រីចំនួន ៦​រូប រួមទាំងរដ្ឋមន្ត្រីការបរទេសកាស៊ីត ភិរម្យា


យោង​តាម​ប្រភព​ព័ត៌​មាន​ពី​កាសែត​បាង​កក​ ប៉ុស្តិ៍ ​នាយក​រដ្ឋ​មន្ត្រី​ថៃ ​អាភី​ស៊ីត​ វេចា​ជីវ៉ា​ ត្រូវ​បាន​គេ​រំពឹង​ថា​ នឹង​លើក​សំណើ​ទៅ​ក្នុង​កិច្ច​ប្រជុំ​មួយ​របស់​គណៈ​កម្មា​ធិការ​ប្រតិបត្តិ​របស់​គណ​បក្ស​ប្រជា​ធិប​តេយ្យ ​នៅ​ថ្ងៃ​សុក្រ​នេះ​លើ​ការ​ផ្លាស់​ប្តូរ​សមាស​ភាព​រដ្ឋ​មន្ត្រី​ចំនួន​ ៦​ រូប​ស្ថិត​នៅ​ក្នុង​កូតា​គណ​បក្ស​លោក​។


រដ្ឋ​មន្ត្រី​ដែល​នឹង​ត្រូវ​ដក​តំណែង​នោះ​ក៏​រួម​មាន​ លោក​កាស៊ីត​ ភិរម្យា​ រដ្ឋ​មន្ត្រី​ក្រសួង​ការ​បរទេស​ថៃ​បច្ចុប្បន្ន​ដែរ​។ ការ​រុះ​រើ​គណៈ​រដ្ឋ​មន្ត្រី​ថៃ​របស់​នាយក​រដ្ឋ​មន្ត្រី​អាភីស៊ីត​នេះ​ធ្វើ​ឡើង​តែ​ប៉ុន្មាន​សបា្តហ៍​ ប៉ុណ្ណោះ​ក្រោយ​ពី​មាន​ការ​បង្ក្រាប​ដ៏​ហិង្សា​របស់​អាជ្ញា​ធរ​ទៅ​លើ​ក្រុម​បាតុ​ករ​ អាវ​ក្រហម​ គាំទ្រ​អតីត​នាយក​រដ្ឋម​ន្ត្រី​ថាក់​ស៊ីន​ ស៊ី​ណាវ៉ាត្រា។​


លោក​ថាក់​ស៊ីន​ ដែល​បច្ចុប្បន្ន​ សមត្ថ​កិច្ច​ថៃ​បាន​ចេញ​ដី​កា​តាម​ចាប់​ខ្លួន​ពី​បទ​ជាប់​ពាក់​ព័ន្ធ​នឹង​ រឿង​ភេរ​វកម្ម​ ហើយ​រដ្ឋា​ភិបាល​បាន​ស្នើ​សុំ​កិច្ច​សហ​ប្រតិ​បត្តិ​ការ​ពី​ប្រទេស​ចំនួន​ ១៧៨​ ដើម្បី​ ចាប់​ខ្លួន​ និង​ធ្វើ​បត្យា​ប័ន​លោក​ថាក់​ស៊ីន​មក​កាន់​ប្រទេស​ថៃ​ដើម្បី​ទទួល​ទោស​៕

No comments:

Post a Comment