Thursday, June 3, 2010

ព័ត៌មានទាន់ហេតុការណ៍


រដ្ឋាភិបាលកម្ពុជា និងប្រទេសម្ចាស់ជំនួយកំពុងតែបន្តប្រជុំគ្នានៅវិមានរដ្ឋាភិបាល (ក្រុមប្រឹក្សាអភិវឌ្ឍន៍
កម្ពុជា) ហើយគ្រោងនឹងបិទបញ្ចប់នៅពេលបន្តិចទៀតនេះ ជាមួយនឹងការធ្វើសន្និសីទកាសែតមួយបញ្ជាក់ពីលទ្ធផលនៃកិច្ចប្រជុំវាងរដ្ឋាភិបាល និងម្ចាស់ជំនួយនេះ។

អង្គវេទិកា ​បាន​ពិភាក្សា​លើ​ការ​អនុវត្ត​បច្ចុប្បន្ន​ភាព​ផែន​ការ​អភិវឌ្ឍ​ យុទ្ធសាស្រ្ត​ជាតិ​ឆ្នាំ​២០០៩‑១៣ របស់​រដ្ឋាភិបាល ក៏​ដូច​ជា​គោល​នយោបាយ​ដើម្បី​ធានា​ស្ថិរភាព​មីក្រូ​សេដ្ឋ​កិច្ច​ក្នុង​អំឡុង ​ពេល​វិបត្តិ​សេដ្ឋ​កិច្ច​សាកល។ ក្នុ​ង​ខែ​ធ្នូ ឆ្នាំ​២០០៨ ប្រទេស​កម្ពុជា​បាន​ទទួល​ជំនួយអភិវឌ្ឍន៍​ចំនួន​ ៩៥១.៥​លាន​ដុល្លារ​អាមេរិក​ ធៀប​នឹង​ ៦៩០​លាន​ដុល្លារ​អាមេរិក​ក្នុង​ខែ​មិថុនា ឆ្នាំ​២០០៧។

លោក ​ខៀវ កាញារីទ្ធ​ អ្នក​នាំ​ពាក្យ​របស់​រដ្ឋាភិបាល​បាន​ថ្លែង​បន្ទាប់​ពី​ចប់​កិច្ច​ប្រជុំ​ កាល​ពី​ថ្ងៃ​ពុធ​ថា កិច្ចប្រជុំ​នេះ​ប្រព្រឹត្ត​ទៅ​យ៉ាង​រលូន ហើយ​លោក​មិន​បាន​ឮ​ការ​​​តវ៉ា​ណាមួយ​ពី​ម្ចាស់​ជំនួយ​ឡើយ។ លោក​បាន​ថ្លែង​ថា៖ «ខ្ញុំ​មិន​ដឹង​ថា ​រដ្ឋាភិបាល​នឹង​ទទួល​បាន​ជំនួយ​ប៉ុន្មាន​ពី​ប្រទេស​ផ្តល់​ជំនួយ​​នៅក្នុង​ ឆ្នាំ​នេះនោះទេ ប៉ុន្តែ​គិត​ថា​ យើង​អាច​ទទួល​បាន​ជំនួយ​តាម​ការ​រំពឹង​ទុក​របស់​យើង»។ នៅ​ក្នុង​កិច្ច​ប្រជុំ​ម្ចាស់​ជំនួយ​‑រដ្ឋាភិបាល​ប្រចាំ​ត្រីមាសនៅ​ក្នុង​ខែ ​មេសា លោក​គាត ឈន់ រដ្ឋ​មន្ត្រី​ក្រសួ​ង​សេដ្ឋ​កិច្ច និង​ហិរញ្ញ​វត្ថុ​ បាន​ថ្លែង​ថា ​និន្នាការ​ជំនួយ​កំពុង​បន្ត​កើន​ឡើង ហើយ​តម្រូវ​ការ​របស់​រដ្ឋាភិបាល​នឹង​ឡើង​ដល់ ១ ពាន់លាន​ដុល្លារ​ក្នុង​ឆ្នាំ​២០១០។

No comments:

Post a Comment