ប្រធានាធិបតីវៀតណាមលើកឡើងពីកិច្ចសហប្រតិបត្តិការល្អជាមួយកម្ពុជា
ប្រធានាធិបតីវៀតណាម បានលើកឡើង កាលពីថ្ងៃអង្គារ ពីកិច្ចសហប្រតិបត្តិការរវាងប្រទេសជិត
ខាងកម្ពុជា នៅក្នុងអំឡុងពេលនៃព្រះដំណើរយាងទស្សនកិច្ចរយៈពេលបួនថ្ងៃរបស់អតីតព្រះមហាក្សត្រខ្មែរសម្តេចឪ នរោត្តម សីហនុ និងព្រះញាតិវង្សានុវង្សរបស់ព្រះអង្គ។ នេះគឺបើតាមការផ្សាយឲ្យដឹងរបស់ប្រព័ន្ធផ្សព្វផ្សាយ វៀតណាមនៅថ្ងៃពុធនេះ។
ប្រធានាធិបតីវៀតណាម ង្វៀន មិញទ្រៀត បានគូសបញ្ជាក់ថា ព្រះដំណើរទស្សនកិច្ចរបស់សម្តេចឪ នៅក្នុងប្រទេសវៀតណាមបានបង្ហាញយ៉ាងច្បាស់ពីទំនាក់ទំនងរវាងប្រទេសកម្ពុជា និងវៀតណាមកាន់តែ
មានភាពជិតស្និទ្ធ និងសំខាន់ឡើង។ លោកង្វៀន មិញទ្រៀត បានថ្លែងថា៖«ប្រទេសកម្ពុជា និងវៀតណាម ក៏ដូចជាប្រទេសជិតខាងឡាវ មានការតាំងចិត្តប្តូរផ្តាច់ធានា និងរឹតនូវចំណងសាមគ្គីភាពជាមួយគ្នា»។
បើយោងតាមរបាយការណ៍ផ្សាយដោយប្រព័ន្ធផ្សព្វផ្សាយរដ្ឋវៀតណាម សម្តេចឪ នរោត្តម សីហនុ អតីតព្រះមហាក្សត្រខ្មែរបានសម្តែងនូវការអរគុណចំពោះការគាំទ្រវៀតណាមនេះ។ ចាប់ផ្តើមទស្សនកិច្ចនៅវៀតណាម នៅថ្ងៃទី២២ ខែមិថុនា សម្តេចឪ សម្តេចម៉ែ រួមនឹងព្រះមហាក្សត្រខ្មែរ នឹងបញ្ចប់ព្រះទស្សនកិច្ចនៅថ្ងៃទី ២៥ ខែមិថុនា ឆ្នាំ ២០១០ខាងមុខនេះ៕
No comments:
Post a Comment