ព័ត៌មានទាន់ហេតុការណ៍
កម្ពុជាធ្វើពិធីទទួលជំនួយរថយន្តយោធាចិនជាផ្លូវការនៅរសៀលថ្ងៃនេះ
កម្ពុជា-ចិនបានរៀបចំទទួល និងប្រគល់ជាផ្លូវការនៅថ្ងៃនេះ នូវរថយន្តយោធាជាជំនួយរបស់
ប្រទេសចិនចំនួន ២៥៧ គ្រឿង។ នៅវេលាម៉ោង ១ និង ៣០នាទីថ្ងៃពុធនេះ លោកម៉ឹង សំផន រដ្ឋលេខាធិការក្រសួងការពារជាតិ បានចូលរួមនៅក្នុងពិធីទទួលជាផ្លូវការនូវរថយន្តជំនួយទាំង នោះជាមួយនឹងមន្ត្រីចិន។ ពិធីចុះហត្ថលេខាទទួលជាផ្លូវការនឹងធ្វើឡើងនៅក្រសួងការពារជាតិ នៅរសៀលថ្ងៃនេះរវាងរដ្ឋមន្ត្រីក្រសួងការពារជាតិកម្ពុជា និងរដ្ឋមន្ត្រីក្រសួងការពារជាតិចិន។
លោករដ្ឋលេខាធិការក្រសួងការពារជាតិកម្ពុជា ម៉ឹង សំផន បានថ្លែងប្រាប់ក្រុមអ្នកយកព័ត៌មាន ក្រោមពិធីទទួលជំនួយរថយន្តយោធានោះថា មានសារៈសំខាន់សម្រាប់ប្រទេសកម្ពុជានៅក្នុង វិស័យយោធា។ គួរបញ្ជាក់ថា រថយន្តទាំង ២៥៧ គ្រឿងនេះត្រូវបានប្រទេសចិនផ្តល់ឲ្យប្រទេស កម្ពុជានៅក្នុងអំឡុងជំនួបរវាងលោកនាយករដ្ឋមន្ត្រីហ៊ុន សែន និងលោកប្រធានាធិបតីចិន ហ៊ូ ជីនតាវ កាលពីខែឧសភាកន្លងទៅ។ ការផ្តល់ជំនួយរថយន្តយោធាចំនួន ២៥៧ គ្រឿងរួមនឹង សម្លៀកបំពាក់យោធា ៥ ម៉ឺនសម្រាប់ផងនោះ ធ្វើឡើងមិនដល់មួយខែផង ក្រោយពីសហរដ្ឋអាមេរិក បានលុបចោលកិច្ចព្រមព្រៀងផ្តល់ជំនួយ រថយន្ត យោធា ស្រដៀងគ្នានេះ។
ទាក់ទងនឹងបញ្ហានេះ លោករដ្ឋលេខាធិការក្រសួងការពារជាតិ ម៉ឹង សំផន បានថ្លែងថា ការផ្តល់ ជំនួយរថយន្តយោធាដល់កម្ពុជាពីសំណាក់ប្រទេសចិននៅពេលនេះ មិនមែនជាការបញ្ឈឺចិត្ត សហរដ្ឋអាមេរិកទេ ហើយក៏មិនខ្លាចសហរដ្ឋអាមេរិកអាក់អន់ចិត្តដែរ៕
No comments:
Post a Comment