ដំណើរទស្សនកិច្ចរបស់ក្រុមនិស្សិតទៅកាន់តំបន់ប្រាសាទព្រះវិហារ
ក្រុមនិស្សិតផ្នែកបរិញ្ញាបត្រជាន់ខ្ពស់ប្រវត្តិសាស្ត្រនៃសាកលវិទ្យាល័យខេមរៈ បានធ្វើដំណើរទស្សនកិច្ចសិក្សាមួយទៅកាន់តំបន់ប្រាសាទព្រះវិហារកាលពីពេលថ្មីៗនេះ។ ដឹកនាំដោយលោក រស់ ចន្ត្រាបុត្រ សាស្ត្រាចារ្យវិទ្យាសាស្ត្រនយោបាយ និងជាប្រវត្តិវិទូខ្មែរ ដំណើរទស្សនកិច្ចនេះ ធ្វើឡើងដើម្បីឲ្យក្រុមនិស្សិតស្វែងយល់ឲ្យកាន់ស៊ីជម្រៅអំពីប្រវត្តិ និងការកសាងប្រាសាទព្រះវិហារ។ ប្រាសាទព្រះវិហារដែលកំពុងស្ថិតនៅក្រោមការគំរាមកំហែងនៃជម្លោះប្រដាប់អាវុធ បន្ទាប់ពីកងទ័ពថៃបានចូលទន្រ្ទានកាន់កាប់ទឹកដីតំបន់នោះដោយខុសច្បាប់។ ការទន្ទ្រាន កាន់កាប់ដោយខុសច្បាប់ធ្វើឡើងកាលពីថ្ងៃទី ១៥ ខែកក្កដា ឆ្នាំ ២០០៨ គឺមួយសបា្តហ៍ ក្រោយពីកម្ពុជាសម្រេចបានជោគជ័យក្នុងការដាក់ប្រាង្គប្រាសាទនេះចូលទៅក្នុងបញ្ជីបេតិក ភណ្ឌពិភពលោករបស់អង្គការយូណេស្កូ។
No comments:
Post a Comment