ព័ត៌មានទាន់ហេតុការណ៍
ជប៉ុនមាននាយករដ្ឋមន្ត្រីថ្មីជំនួសលោកយូគីអូ ហាតូយ៉ាម៉ា
ជាផ្លូវការហើយ រដ្ឋមន្ត្រីក្រសួងហិរញ្ញវត្ថុ លោក ណាអូតូ កាន់ មានវ័យ ៦៣ ឆ្នាំ ត្រូវបានសភាជប៉ុនបោះឆ្នោតផ្តល់សេចក្តីទុកចិត្តឲ្យកាន់តំណែងជានាយក រដ្ឋមន្ត្រីជប៉ុនថ្មី ជំនួសលោក យូគីអូ ហាតូយ៉ាម៉ា កាលពីប៉ុន្មាននាទីមុននេះ។ ការបោះឆ្នោតសេចក្តីទុកចិត្តនេះធ្វើឡើងបន្ទាប់ពីលោកណាអូតូ ទទួល ការគាំទ្រឲ្យពីសមាជិកឲ្យធ្វើជាប្រធានគណបក្សប្រជាធិបតេយ្យ។
នៅក្នុងការបោះឆ្នោតជ្រើសតាំងជាប្រធានគណបក្សនៅព្រឹកថ្ងៃសុក្រ លោក ណាអូតូ កាន់ ដែលមានតួនាទីជាឧបនាយករដ្ឋមន្ត្រីក្នុងគណៈរដ្ឋមន្ត្រី របស់លោកនាយករដ្ឋមន្ត្រី យូគីអូ ហាតូយ៉ាម៉ា បានទទួលសំឡេងគាំទ្រ ២៩១ សំឡេងលើតំណាងរាស្ត្រសរុបរបស់គណបក្សចំនួន ៤២០នាក់ ខណៈដែល បេក្ខជនឈរឈ្មោះជាប្រធានបក្សម្នាក់ទៀត គឺតំណាងរាស្ត្រមកពីកោះ អូសាកា លោក ស៊ីនជី តារុតូកូ ដែលមានការស្គាល់តិចតួចបំផុតនោះ បានទទួលសំឡេងគាំទ្រតែចំនួន ១២៩ សំឡេងប៉ុណ្ណោះ៕ AFP
No comments:
Post a Comment