តុលាការសម្រេចលើរឿក្តីរបស់សម្តេចក្រុមព្រះ
ដោយវង្ស សុខេង (ភ្នំពេញ ប៉ុស្តិ៍)
សាលាដំបូងរាជធានីភ្នំពេញ បានសម្រេចកាលពីថ្ងៃអង្គារលើការលែងលះគ្នារវាងសម្តេចក្រុមព្រះ នរោត្តម រណឫទ្ធិ និង ម្ចាស់ក្សត្រីយ៍ នរោត្តម ម៉ារី រណឫទ្ធិ ដោយបញ្ជាឲ្យអតីតប្រធានគណបក្សហ៊្វុនស៊ិនប៉ិចចែកទ្រព្យសម្បត្តិពាក់កណ្តាលទៅឲ្យអតីតមហេសី។នេះបើតាមការថ្លែងឲ្យដឹងរបស់មន្ត្រីសាលាដំបូងកាលពីថ្ងៃម្សិលមិញ។
លោកជីវ កេង ប្រធានសាលាដំបូងរាជធានីភ្នំពេញ បានអះអាងបញ្ជាក់កាលពីថ្ងៃម្សិលមិញថា សាលក្រមសម្រេចលើការលែងលះនេះ ត្រូវបានធ្វើឡើងជាផ្លូវការកាលពីថ្ងៃទី៨ ខែមិថុនា បន្ទាប់ពីភាគីទាំងពីរបានយល់ព្រមលើកិច្ចផ្សះផ្សាលើការបែងចែកទ្រព្យមួយ។ លោក បានថ្លែងថា៖«តុលាការបានសម្រេចក្នុងការចេញសាលក្រម បន្ទាប់ពីភាគីទាំងពីរបានឈានដល់ការយល់ព្រមគ្នាក្នុងការបែងចែកនូវ
ទ្រព្យសម្បត្តិ»។
លោកលីវ សុវណ្ណា មេធាវីការពារក្តីសម្តេចក្រុមព្រះ កាលពីថ្ងៃពុធម្សិលមិញ បានបដិសេធធ្វើអត្ថាធិប្បាយលើការសម្រេចនេះទេ ដោយថ្លែងថា បញ្ហានេះគឺជារឿងបុគ្គលរវាងព្រះអង្គម្ចាស់ នរោត្តម រណឫទ្ធិ និង ម្ចាស់ក្សត្រីយ៍ នរោត្តម ម៉ារី រណឫទ្ធិ អតីតមហេសីរបស់ ព្រះអង្គ។
សម្តេចក្រុមព្រះនរោត្តម រណឫទ្ធិ បានដាក់ពាក្យបណ្តឹងសុំលែងលះពីមហេសីរបស់ព្រះអង្គ នរោត្តម ម៉ារី រណឫទ្ធិ នៅឆ្នាំ ២០០៦ បន្ទាប់ពីបានជួបប្រតិព័ទ្ធ និងធ្លាក់ក្នុងអន្លង់ស្នេហ៍ជាមួយនឹងអ្នកម្នាង អ៊ុក ផល្លា រហូតមានបុត្រាមួយព្រះអង្គ។ អ្នកម្នាងអ៊ុក ផល្លា ជាអតីតភរិយារបស់លោករដ្ឋមន្ត្រី វ៉េង សិរីវុឌ្ឍ និងជាអ្នករាំរបាំព្រះរាជទ្រព្យ។
No comments:
Post a Comment